RCD / NOVAS

Scaloni vaticina un encontro 'lindo'

Lionel Scaloni vaticinou hoxe na sala de prensa de 'O Mundo do Fútbol' un encontro "lindo" entre a Valencia e o Deportivo. Scaloni asegura que "neste momento, e tal como está o Madrid, quedar segundos é ser campións morais", á vez que estima que non ten ningún problema en adiantar a súa posición no terreo de xogo, como presumiblemente ocorrerá mañá sábado, e ocupar a demarcación de Víctor, que quedou na Coruña: "O importante é estar no equipo. Despois dá igual onde sexa".

05/03/2004 21:08

Pola súa banda, Juan Carlos Valerón lembra que todos os partidos ante a Valencia son moi complicados, co que tamén prevé un resultado axustado. E por fin, Javier Irureta, tras facer pública a lista de convocados, lembra que haberá que dosificar esforzos polas importantes citas que veñen despois, particularmente a da liga de Campións. Ademais, o técnico vasco opina que manter mañá sábado a portaría a cero, "reforzaríanos para o partido de Turín, na que si creo que será decisivo non encaixar goles".

Máis novas de: SCALONI

RCD / Noticias Relacionadas

24/11/2005 22:03 |

Scaloni anuncia que cumprirá o seu contrato co Deportivo e regresará despois ao fútbol arxentino

O capitán do Deportivo, Lionel Scaloni, quixo hoxe xoves na sala de prensa de 'O Mundo do Fútbol' ratificar as declaracións que efectuou na Cadea Ser onte mércores nas que afirmaba que o seu desexo era cumprir o seu contrato no Deportivo, que expira en xuño de 2007, e posteriormente regresar ao seu país, para acabar a súa carreira profesional no Estudantes.