ALBANIA, NOVO DESTINO DA RC DEPORTIVO FUNDACIÓN

A RC Deportivo Fundación iniciou a súa expedición en Albania co obxectivo de explorar novas oportunidades de colaboración e dar a coñecer os seus proxectos e valores a nivel internacional.A primeira visita tivo lugar na Embaixada de España en Tirana, onde a expedición deportivista foi recibida polo embaixador de España en Albania, Gabriel Cremades Ventura (na foto da noticia).Durante o encontro, a RC Deportivo Fundación presentou os principais proxectos e obxectivos no país, ademais de compartir a súa visión sobre o desenvolvemento do fútbol base e o impacto social e educativo do deporte.A expedición continuou con diferentes reunións de traballo arredor do proxecto europeo EGSID, así como con visitas a clubs do país, co obxectivo de coñecer de primeira man a súa realidade, xerar sinerxías e explorar futuras vías de colaboración.