OS NOSOS CAPITÁNS E CAPITÁS

Os dous primeiros equipos do RC Deportivo xa teñen elixidos os seus capitáns para a temporada 2025-26.Así, o Dépor ten como primeiro capitán a Diego Villares, o canteirán que chegou ao primeiro equipo no mercado de inverno da temporada 2020-21 procedente do Fabril.A continuación séguenlle, por esta orde: Escudero, Jose Ángel, Ximo Navarro e Yeremay.

En canto ao Dépor ABANCA, Cris Martínez é a primeira capitá. Chegou ao Club en 2016 na nova creación da sección feminina do RC Deportivo.O resto de capitás, neste caso sen orde, está formado por Raquel, Henar, Paula Gutiérrez e Vera Martínez.