PRIMEIRA SESIÓN DA SEMANA DO DÉPOR COA ENERXÍA POSTA UNICAMENTE NO SEGUINTE RETO, A VISITA DO FC ANDORRA DO DOMINGO 17 DE MAIO

O Dépor arrancou este martes 12 de maio nos campos 2 e 3 do Dépor Training Center a preparación da antepenúltima xornada en LaLiga Hypermotion, a visita do FC Andorra a ABANCA-RIAZOR prevista para o domingo 17 de maio ás 14:00 (LaLiga TV Hypermotion) en ABANCA-RIAZOR.En plena recta final, o Club teno claro: isto vai partido a partido. Queda moito camiño por percorrer e toda a enerxía debe estar enfocada unicamente no seguinte reto.O fútbol esixe equilibrio, humildade e a máxima concentración en cada semana de traballo, especialmente en momentos nos que o contorno pode deixarse levar pola ilusión.Con todo o cadro sobre a herba agás David Mella, o corpo técnico dispuxo unha activación, rondos e un xogo de posición.

Agora máis ca nunca, tócanos crer para ver. Crer no traballo diario, no esforzo colectivo, no crecemento constante e na capacidade de seguir avanzando xuntos desde a humildade.Bil e Noé foron os representantes de ANOSACANTEIRA.Este mércores 13 de maio Os Nosos adestraranse de novo no Dépor Training Center a partir das 10:30 horas.