O RC DEPORTIVO E A FUNDACIÓN RC DEPORTIVO IMPULSAN O SEU PROCESO DE INTERNACIONALIZACIÓN COA CREACIÓN DUN DÉPOR CAMPUS EN MENDOZA

O RC Deportivo continúa avanzando na súa estratexia de expansión e internacionalización coa posta en marcha do primeiro Dépor Campus en Mendoza (Arxentina), unha iniciativa que permitirá achegar a metodoloxía, os valores e o modelo formativo do Club blanquiazul ao fútbol base internacional.O campus desenvolverase do 14 ao 18 de decembro nas instalacións de Pueblo Nuevo Camp, Mendoza, e estará dirixido a xogadores e xogadoras nacidos entre os anos 2010 e 2017.As persoas participantes gozarán de adestramentos deseñados baixo a metodoloxía deportiva do RC Deportivo, combinando o traballo técnico e táctico cunha formación baseada en valores. O campus transmitirá principios fundamentais como o compañeirismo, o respecto, o esforzo e o xogo limpo, conectándoos coa propia esencia do deportivismo: teimosía, orde e talento.Entre as principais características e beneficios do Dépor Campus destacan:-Adestramentos baseados na metodoloxía deportiva do RC Deportivo.-Sesións adaptadas por idades e niveis.-Formación integral deportiva e persoal.-Actividades recreativas e dinámicas grupais.-Transmisión dos valores propios do deportivismo.-Entrega de equipación oficial do campus.-Diploma acreditativo de participación.As inscricións xa están abertas. As persoas interesadas poderán solicitar máis información ou formalizar a súa inscrición a través do WhatsApp +54 9 2615 92-0199. Ademais, poderán consultar máis información no perfil de Instagram @pueblonuevo.club.Esta iniciativa enmárcase na colaboración entre a Fundación RC Deportivo e Pueblo Nuevo FC, en colaboración con The Fútbol Office, co obxectivo de promover o fútbol formativo como ferramenta de unión cultural e social. O proxecto busca achegar a identidade do RC Deportivo a novas comunidades, reforzando os lazos con Galicia e fomentando a presenza da cultura galega e do sentimento blanquiazul a nivel internacional.Con este novo proxecto internacional, o RC Deportivo e a súa Fundación continúan fortalecendo a súa presenza fóra de España e consolidando a iniciativa Dépor Campus como unha referencia na formación deportiva, educativa e na difusión dos valores do deportivismo.