ANTÍA VEIGA DERROTA A POLONIA E CLASIFÍCASE PARA AS SEMIFINAIS DO EUROPEO E PARA O VINDEIRO MUNDIAL DE MARROCOS

Foto:@rfef.es

A selección española sub-17, con Antía Veiga titular indiscutible na portería, derrotou por 1-4 a Polonia este luns 11 de maio en Inver Park no terceiro e último partido da primeira fase.Este resultado clasificou ao combinado nacional para as semifinais do torneo continental e tamén supuxo o billete para o próximo Campionato do Mundo da categoría que se xogará en Marrocos.España rematou esta primeira fase da competición con 6 puntos por 9 de Francia, primeira clasificada.Alemaña será o rival en semifinais este xoves 14 ás 15:00 (hora local, 16:00 en Galicia). As alemás quedaron campioas do seu grupo con 6 puntos tras derrotar a Noruega (1-3) e Inglaterra (1-0); e caer ante Irlanda del Norte (0-1).Nos primeiros 2 encontros do grupo Antía Veiga tamén foi titular.Ante Francia perderon as españolas por 1-0 cun gol no minuto 53.No tempo engadido dese partido, Antía Veiga realizou unha gran parada ante Adedini nun man a man que mantivo viva a España no partido xa que tería suposto o 2-0.Ademais, na xogada seguinte, a colexiada eslovena Tjaša Misja non sinalou como penalti unha clara man dunha defensora de Francia na área pequena, nun remate de Candela que ía claramente a portería.Ante Finlandia, o pasado martes 5 de maio, goleou España por 4-0.A gardameta do Dépor ABANCA B estivo firme baixo paus cando, no treito final do partido, as finlandesas se lanzaron a por un gol que as metese no partido.O calendario de partidos de Antía Veiga, cos resultados dos xa xogados, é o seguinte:Primera FaseMartes 5 de maioESPAÑA 4 - FINLANDIA 0Venres 8 de maioFRANCIA 1 - ESPAÑA 0Luns 11 de maioPOLONIA 1 - ESPAÑA 4SemifinaisXoves 14 de maio15:00 (hora local, 16:00 en Galicia): ESPAÑA - ALEMAÑAAntía Veiga participou con este combinado nacional en Ronda 1 e Ronda 2 de clasificación para o Campionato de Europa.En outubro, a gardameta do Dépor ABANCA B formou parte da selección española no Mundial de Marrocos, no que España caeu nos oitavos de final derrotada por Francia na quenda de penaltis.