A Fundación RC Deportivo, de cara ao encontro do Deportivo ABANCA deste domingo 14 de setembro (12:00) fronte ao Athletic Club, reactiva a Bancada Solidaria de ABANCA-RIAZOR, unha iniciativa na que cada partido destina unha ampla cota de entradas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade.
Atendendo á política de transparencia e Responsabilidade Social Corporativa (RSC) do RC Deportivo e da súa Fundación, sempre se publican as entidades que fan uso da bancada solidaria.
Para solicitar entradas, limitadas a 10 por asociación, o formulario está dispoñible nesta ligazón.
A data límite para poder solicitalas serán as 12.00 h. deste xoves 11 de setembro.
