A RC Deportivo Fundación, representada por David Lagar e Ana Laura Nani Silva, participa no proxecto Erasmus+ 'GameMind', unha iniciativa europea desenvolvida xunto a entidades de Serbia, lugar onde se produciu a primeira reunión, Italia, Macedonia del Norte, Francia e España.
O obxectivo principal do proxecto é reforzar o benestar psicolóxico de mozos deportistas e fortalecer a capacidade dos clubs para abordar a saúde mental desde un enfoque educativo e preventivo.
Durante os anos 2026 e 2027, 'GameMind' integrará a psicoloxía na práctica deportiva diaria a través de talleres aplicados, acompañamento individual e accións formativas dirixidas ao persoal técnico, con especial atención ao desenvolvemento de habilidades comunicativas e emocionais.
Estas accións permitirán aos e as deportistas adquirir ferramentas para xestionar a tensión competitiva e contribuirán á creación de contornas seguras e positivas para o seu desenvolvemento persoal e deportivo.
Como elemento destacado, o proxecto desenvolverá o xogo de mesa educativo 'MindSprint', deseñado para mellorar a resiliencia mental, a regulación emocional, a concentración e a xestión da tensión.
A través de distintos retos e dinámicas, as e os participantes traballan estratexias de afrontamiento e reforzan a súa preparación psicolóxica de maneira lúdica e participativa.
Con esta participación, a RC Deportivo Fundación reafirma o seu compromiso cunha formación integral, o coidado do benestar emocional e a promoción da inclusión como valores esenciais do deporte.
Máis información na web oficial do proxecto.
