O RC Deportivo pon á venda mañá xoves 28 de setembro na Oficina de Atención ao Deportivista as entradas para o encontro da 8ª xornada de LaLiga Santander ante a SD Eibar, o domingo 15 de outubro ás 12:00 horas no estadio de Ipurua.
As entradas, correspondentes á bancada de Tribuna Gol Oeste, teñen un prezo de 25 euros.
Cada socio poderá adquirir un máximo de 2 localidades e será imprescindible mostrar o DNI do destinatario dos billetes ou unha fotocopia do mesmo, pois serán nominativos.
Os afeccionados interesados teñen ata o mércores 11 de outubro ás 19:00 horas, hora de peche habitual da OAD, para adquirir as entradas que desexen, mentres que os peñistas deberán xestionalas a través da Federación de Penas.
