Coa aprobación da Resolución da Dirección Xeral de Educación, Formación Profesional e Innovación Educativa, xa está aberta a inscrición para participar no Curso de Adestradores do Real Club Deportivo. Para as probas de acceso ao Nivel I e das probas de madurez, a data límite de inscrición é o 8 de xullo. A información e documentación completa do Curso de Adestradores do Deportivo pode consultarse nesta ligazón.
Como cada tempada, pódense cursar tres niveis: I e II, o de técnico deportivo en fútbol, e o III, o de técnico deportivo superior en fútbol.
O 2020 - 2021 será o décimo quinto ano desta escola de Técnicos de Fútbol que o Real Club Deportivo imparte como Centro de Formación autorizado pola Consellería de Educación e Ordenación Universitaria, Orden 20 de Xulio de 2.005 (DOG 2/08/2.005) e que conta cun convenio de colaboración coa UDC.
Para contacto, consultas e entrega de documentación pódese contactar co director do Curso, Miguel Gamallo en: miguel.gamallo@rcdeportivo.com ou no 689 618 558.
