-Foto:@rfef.es
ANOSACANTEIRA achega dous futbolistas á selección española sub-16: a gardameta Antía Veiga e a atacante Claudia Sande.
Ambas as canteirás branquiazuis están concentradas para disputar dous partidos amigables ante Estados Unidos en Alicante.
O primeiro partido dos dous ante as norteamericanas foi hoxe sábado 19 de abril no Estadio Guillermo Amor.
Antía Veiga xogou completo o encontro e Claudia Sande saltou ao céspede no minuto 61 en substitución de Ivet.
O triunfo foi español por 4-3 nun entretido partido.
A próxima cita entre ambas as seleccións será finalmente o martes 22 de abril ás 12:00 en La Nucía.
O calendario da selección española sub-16, cos resultados dos partidos xogados, é o seguinte:
Sábado 19 de abril
ESPAÑA 4 - ESTADOS UNIDOS 3
Martes 22 de abril
12:00: ESPAÑA - ESTADOS UNIDOS, no Estadio Camilo Cano de La Nucía
Antía Veiga acaba de participar nuns adestramentos con este combinado nacional na Ciudad del Fútbol de Las Rozas e disputou un total de 10 partidos esta temporada co Deportivo ABANCA B que marcha de líder no grupo 1º de Tercera Federación.
A porteira branquiazul adéstrase habitualmente co primeiro equipo e chegou a debutar no amigable ante o Real Oviedo Femenino disputado o pasado 21 de agosto de 2024 en Abegondo.
Pola súa banda, Claudia Sande xogou 24 partidos co Orzán SD Sub-21 na Primera Autonómica, 21 deles como titular, nos que anotou 9 goles.
