ACTIVIDADES E GRAN AMBIENTE NOS ARREDORES DE ABANCA-RIAZOR DURANTE TODO O DÍA NO DÉPOR-LEGANÉS

A Coruña prepárase para vivir unha xornada única con motivo do encontro entre o RC Deportivo e o CD Leganés, coincidindo ademais coa celebración do xa tradicional Día das Peñas.O deportivismo ten unha cita ineludible nos arredores do Estadio ABANCA-RIAZOR, onde a partir das 13:00 horas dará comezo unha gran xornada festiva: a Festa das Peñas. Estará chea de música, comida, bebida e actuacións en directo organizadas pola Federación de Peñas Deportivistas. Un ambiente pensado para xuntar a toda #ANOSAFORZA nun espazo de celebración e paixón blanquiazul.A festa comezará antes, xa que desde as 10:00 horas a explanada exterior do Estadio ABANCA-RIAZOR acollerá unha zona especialmente dedicada aos máis pequenos, con inchables, xogos e múltiples sorpresas para que as familias poidan desfrutar desde primeira hora do día dun ambiente festivo. Esta xornada marcará tamén a estrea do DÉ Beach Club, un espazo único xunto ao mar (zona Arcados de Riazor) que nace para gozar da cidade e do ambiente dos partidos cunhas vistas privilexiadas. Este novo punto de encontro abrirá as súas portas a partir das 11:00 horas, ofrecendo aos deportivistas un lugar privilexiado cunha proposta fresca e desenfadada, moi vencellada á contorna e ao espírito do verán.A xornada promete un ambiente espectacular, consolidando o Día das Peñas como unha das grandes citas do calendario blanquiazul e reafirmando a conexión entre o club, a súa afección e a cidade.