-Foto:@rfef.es
Antía Veiga (na foto de pé a segunda futbolista empezando pola esquerda) está concentrada coa seleccion española sub-17 en Portugal con motivo da Rolda 2 do Campionato de Europa, paso previo á fase final que se xogará do 4 ao 17 de maio en Irlanda del Norte.
Kósovo, Hungría e Portugal son os rivais do combinado nacional.
O primeiro partido para a canteirá deportivista foi precisamente este domingo 1 de marzo ante Kósovo na Cidade do Futebol en Oeiras.
A porteira branquiazul seguiu desde o banco un choque que acabou en goleada española por 8-0.
A próxima cita para Antía Veiga será o mércores 4 de marzo ás 13:00 ante Hungría na localidade lusa de Queluz.
O calendario de Antía Veiga, cos resultados dos partidos xa xogados, é o seguinte:
Domingo 1 de marzo
ESPAÑA 8 - KÓSOVO 0
Mércores 4 de marzo
13:00: ESPAÑA - HUNGRÍA, no Real Sport Clube en Queluz
Sábado 7 de marzo
16:00: PORTUGAL - ESPAÑA, na Cidade do Futebol en Oeiras
O pasado mes de novembro, a gardameta do Dépor ABANCA B foi titular con este combinado nacional no tres partidos da Rolda 1 do Campionato de Europa da categoría en Portugal; con Bulgaria, Hungría e Portugal como rivais.
E en outubro, a canteirá formou parte da selección española no Mundial de Marrocos, no que España caeu nos oitavos de final derrotada por Francia na quenda de penaltis.
Antía Veiga leva até a data 11 partidos disputados de titular co Dépor ABANCA B en Segunda Federación.
