Bico de Xeado e o RC Deportivo volven aliarse unha temporada máis, converténdose así, a recoñecida marca galega de xeados artesanais, en colaborador oficial do Club até xuño de 2026.
A través da 'Biquiño Cam' e a pronta volta dos xeados artesanais ás barras de ABANCA-RIAZOR, Bico de Xeado regresa ao estadio do Dépor até final desta temporada.
Esta colaboración reforza o compromiso do Dépor en promover os produtos de calidade elaborados en Galicia, calidade que fai de Bico de Xeado un xeado artesanal diferente, onde a fabricación e materia prima é totalmente artesanal e propia.
Pronto o deportivismo poderá volver gozar destes produtos durante os partidos disputados en ABANCA-RIAZOR, tanto do equipo masculino como do feminino. Ademais de ter cabida tamén en áreas VIP e hospitality do estadio.
O RC Deportivo mostra a súa satisfacción por esta alianza cunha firma coa que se comparte sentimento de vínculo e compromiso; e subliña a relevancia de crear colaboracións con compañías locais que son referentes nos seus respectivos ámbitos.
