Nunha semana longa, previa ao encontro do domingo 29 de agosto ante o RC Celta B (21:30, Footters), os técnicos branquiazuis decidiron romper a rutina e o ritmo de traballo; e trasladaron a única sesión de hoxe xoves á tarde, a partir das 19:00 horas, tamén na Cidade Deportiva.
Despois da dura carga de onte mércores, o balón foi o protagonista no adestramento de hoxe. Un exercicio de posición deu paso a un partido once contra once, a todo o campo 2, xa coa mente de futbolistas e técnicos posta no debut ligueiro ante o cadro céltico.
Como é habitual neste tipo de tarefas, os técnicos branquiazuis e en especial Borja Jiménez impartiron constantes instrucións aos seus futbolistas.
Con Uche de permiso, só Valín e Diego Aguirre realizaron un adestramento específico ás ordes de Álex Canosa entre o ximnasio e a padiola dos fisioterapeutas.
Alberto, Trilli, Noel e Yeremay foron a representación de #ANOSACANTEIRA na sesión.
Mañá venres 27 de maio o equipo recupera o horario matinal. O cadro está citado ás 9:00 horas para almorzar no comedor da Cidade Deportiva e saltar ao céspede a partir das 10:30 horas.
