Borja Valle manifestou na zona mixta do Estadio ABANCA-RIAZOR que o Deportivo "todo o mundo está alucinando. Estamos flipando. Todos somos partícipes deste paripé, pero demostramos que os temos moito máis gordos e encima con razón e facendo as cousas ben".
O atacante deportivista confesa que, a falta das decisións da xustiza, "dóeme que o Dépor ocupe esa situación na táboa", cuarto pola cola só separado polo quinto, a SD Ponferradina, polo golaverage. "Vin aquí hai 4 anos en Primeira División. Vivín cousas marabillosas e estar nesta situación dóeme na alma. É o meu equipo, é a miña casa. Dóeme. Non teño palabras para describir o que vivín en Coruña e ve ao equipo nesta situación. Pero dalgunha maneira voume orgulloso porque o que vivín no campo foi dos momentos máis emocionantes da miña carreira. Que acabe o partido e xuntarnos as persoas que tivemos valor de vir, ese orgullo que demostramos. Estamos a matar con este Club porque o Club demostrou o mesmo que nós", engade.
Un dos capitáns branquiazuis recoñece que "non me gustaría gañar 5-0. Non son unha persoa vengativa pero cando me tocan aos meus, cando fan algo que é inxusto, cando se está vendo a leguas que é unha inxustiza, que non queremos formar parte deste paripé no que nos meteron... Alégrome que sucedese así, que a vida, o fútbol púxonos no noso lugar gañando no último minuto. Voume orgulloso por todo o que vivín, por como acabou este partido".
Insiste en que a vitoria é "de xustiza, de telos máis gordos que ninguén. O lema é ese: #édexustiza. Isto é unha vitoria dos xogadores, é unha vitoria de todo o mundo que saíu ás rúas cos seus coches, esas persoas que están a tentar que o Deportivo ocupe o sitio que merece. É unha vitoria de todos. É unha vitoria de toda Coruña".
Por este motivo, cre que esta vitoria é "a destes 4 anos. Non son unha persoa vengativa, que queira facer as cousas así. Pero alégrome porque o fútbol pon a cada un no seu lugar. Non fora nin está a ser xusto connosco en nada a contorna do fútbol. Estamos a defendernos de todo cando non temos culpa de nada. Demostramos e respondemos no campo, na situación que eles quixeron. Para min foi A vitoria".
Borja Valle desvela que se marcha de ABANCA-RIAZOR "feliz. Estiven uns segundos mirando ao redor, vendo o Estadio. Pareime a pensar, a lembrar certos momentos. Non sei o que sucederá (co meu futuro). Defendín esta camiseta o mellor que puiden: con acertos e erros, con fallos e momentos mellores. O tempo dirá o que vai suceder".
