Nova semana de pretemporada para ANOSACANTEIRA con dobre cita para o Fabril, torneo en Santiago para o Xuvenil A e primeiro amigable para o Xuvenil B.
Así, o Fabril mídese ao Racing de Ferrol este mércores 6 en Narón e á SD Compostela o sábado 9 en Arzúa.
O filial arrincou o calendario de pretemporada cun empate (2-2) o pasado venres ante o CD Arenteiro de Primera Federación.
Ante os racinguistas, Manuel Pablo disporá de dous onces diferentes en cada tempo. A única baixa é a de Manu Ferreiro, que segue co seu proceso de recuperación da lesión muscular sufrida a finais da temporada pasada.
Pola súa banda, o Xuvenil A participa no Torneo Unindo Camiños que se xoga a fin de semana en Santa Isabel (Santiago de Compostela).
Os rivais na Primera Fase dos branquiazuis, en partidos de 25 minutos de duración, son o Pontevedra CF, Atlético de Madrid, SD Compostela e Arosa SC.
Finalmente o Xuvenil B, que arrincou a pretemporada o pasado venres, xoga o seu primeiro amigable en Muxía ante o conxunto local sénior que milita en Primera Autonómica.
O calendario de amigables desta semana é o seguinte:
Segunda Federación
FABRIL - RACING DE FERROL, o mércores 6 de agosto ás 20:15 no campo de Río Seco (Narón)
SD COMPOSTELA - FABRIL, o sábado 9 de agosto ás 11:30 no campo de O Viso (Arzúa)
Categoría xuvenil
Torneo Unindo Camiños, en Santa Isabel (Santiago)
Primera Fase
Sábado 9 de agosto
10:00: XUVENIL A - PONTEVEDRA CF
11:00: ATLÉTICO DE MADRID - XUVENIL A
12:00: SD COMPOSTELA - XUVENIL A
13:00: XUVENIL A - AROSA SC
Os dous primeiros do grupo pasan a semifinais, que se xogan o domingo 10
SD MUXÍA (Primera Autonómica) - XUVENIL B, o venres 8 de agosto ás 19:15 no campo de Arliña (Muxía)
