RCDeportivo RCDeportivo RCDeportivo
Skip to main content
GL
PORTADA

Celso Borges xa está coa súa selección, Costa Rica, en Estados Unidos para xogar a Final Four da Concacaf Nations League

- Foto: @fedefutbolcrc -

Celso Borges viaxou onte domingo coa súa selección, Costa Rica, á cidade estadounidense de Denver para disputar a Final Four da Concacaf Nations League e, posteriormente, un amigable ante Estados Unidos.

Os 'ticos', incluído o mediocentro deportivista, realizaron onte mesmo un primeiro adestramento en terras norteamericanas unha vez instalados no hotel de concentración.

A semifinal da Concacaf Nations League xogarana México e Costa Rica o xoves 3 de xuño no Mile High Stadium (Denver, Estados Unidos) ás 22:00 (hora local, 6:00 do venres 4 de xuño en España)

O gañador do encontro pasará á gran final do domingo 6 de xuño (19:00 hora local, 3:00 do luns 7 de xuño en España) contra o vencedor da outra semifinal que enfronta a Honduras e Estados Unidos. Os perdedores das semifinais xogarán a final de consolación ese mesmo domingo 6 de xuño (16:30 hora local, 00:30 do luns 7 en España). Ambos os encontros tamén se disputarán no Mile High Stadium.

Ademais, Costa Rica xogará un amigable ante Estados Unidos o mércores 9 de xuño no Rio Tinto Stadium (Salt Lake City) co que se pechará esta concentración.

/* Bot imbee */