David Mella está concentrado en París coa selección española sub-20 para preparar o próximo Campionato do Mundo da categoría que se xogará en Chile do 27 de setembro ao 19 de outubro.
Durante esta fase están previstos dous amigables ante Francia en Clairefontaine, habitual sede de concentración dos diferentes equipos nacionais galos.
O primeiro deles para o canteirán deportivista foi este xoves 4 de setembro.
Venceron os franceses por 2-0 nun partido no que Mella saltou ao céspede no minuto 65 en substitución de Jan Salas.
A saída ao campo do deportivista coincidiu cos mellores minutos da selección española, que dispuxo de numerosas ocasións para polo menos empatar o partido.
A segunda cita entre ambos os equipos será no mesmo escenario este domingo 7 de setembro ás 11:00.
O calendario de partidos de David Mella nesta convocatoria, cos resultados dos partidos xa xogados, é o seguinte:
Xoves 4 de setembro
FRANCIA 2 - ESPAÑA 0
Domingo 7 de setembro
11:00: FRANCIA - ESPAÑA
Así pois, David Mella é baixa para o partido ante o Sporting de Gijón en ABANCA-RIAZOR previsto para o sábado 6 de setembro ás 16:15 horas.
