Diego Villares Yáñez (Vilalba, 17 de xuño de 1996) e Olaya Enrique Rodríguez (Avilés, Asturias, 10 de maio de 2005) recolleron esta mañá na sala de prensa de Abegondo o premio ao xogador Estrella Galicia do mes de marzo no seu equipo polas súas actuacións nos partidos de liga ante o Real Oviedo, Córdoba CF, CD Castellón, FC Cartagena e Racing de Ferrol no caso de Diego Villares; e RCD Espanyol, SD Eibar, Real Madrid CF e UD Costa Adeje Tenerife Egatesa no caso de Olaya.
A terna de finalistas elixidos polos medios de comunicación que cobren a diario a información dos dous equipos branquiazuis foron a formada por Helton Leite, Diego Villares e Yeremay no caso do Dépor; e Ainhoa Marín, Vera Martínez e Olaya Enrique no caso do Dépor ABANCA.
Nas votacións finais a cargo de #ANOSAFORZA a través das redes sociais do Club, Diego Villares foi o elixido no primeiro equipo masculino co 36% dos votos dos afeccionados, por 35% de Helton Leite e 29% de Yeremay. No apartado feminino, Olaya impúxose co 42% por 39% de Ainhoa Marín e 19% de Vera Martínez.
Os dous futbolistas agradeceron "a todo o mundo que votou para poder estar aquí hoxe", tal e como verbalizó o capitán do Dépor.