Zakaria Eddahchouri asegurou na sala de prensa do Dépor Training Center que o equipo "está moi ben. O ambiente no vestiario é bo. Hai que seguir así".
O dianteiro holandés, que respondeu as preguntas dos medios en castelán, apuntou que "sempre é bo marcar goles", en referencia ao tanto que anotou ante a SD Eibar a pasada fin de semana en ABANCA-RIAZOR; aínda que destacou que "para min é moi importante o traballo do equipo. Cando eu marco é bo pero o primeiro é o traballo do equipo e o plan de partido. Para min é o máis importante".
Ve ao equipo en crecemento e resalta que "traballamos día a día, mes a mes, para gañar partidos. A liga é moi dura e complicada. Todos os partidos son unha final".
Sobre a súa temporada, Eddahchouri lembra que "son profesional e traballo día a día para preparar o partido. O míster é o que decide o futbolista titular".
Nesta liña, insiste en que a competición é "dura e complicada. Traballamos duro no campo. É importante o traballo defensivo dos dianteiros. Non é importante só marcar goles e dar asistencias; senón tamén outros aspectos como o defensivo".
