ANOSACANTEIRA comeza a disputar os seus primeiros amigables de pretemporada.
Así, o Fabril empatou (2-2) ante o CD Arenteiro de Primera Federación este venres 31 de xullo en Abegondo.
Manuel Pablo, técnico fabrilista, deu minutos a todos os seus futbolistas salvo Manu Ferreiro, en proceso de recuperación da lesión muscular que se produciu en ABANCA-RIAZOR ante o UCAM Murcia, na fase de ascenso a Primera Federación da temporada pasada.
Luisao e Domínguez foron os autores dos goles do filial deportivista.
A próxima cita para o Fabril en pretemporada será o mércores 6 de agosto ás 20:15 no campo de Río Seco en Narón ante o Racing de Ferrol.
No conxunto deportivista a boa noticia protagonizouna Álvaro Mardones. O canteirán renovou polo RC Deportivo até 2028 e xogará cedido esta temporada no Racing de Ferrol.
Así mesmo, o Xuvenil A, que comezou a adestrar o pasado 24 de xullo, estréase ante a SD Dubra de Preferente Autonómica este sábado 2 de agosto ás 19:00 no campo Juan Baleato de Val do Dubra.
O calendario de amigables esta semana en ANOSACANTEIRA, cos resultados dos xa xogados, é o seguinte:
Segunda Federación
FABRIL 2 (Luisao e Domínguez) - CD ARENTEIRO 2
Categoría xuvenil
SD DUBRA - XUVENIL A, este sábado 2 de agosto ás 19:00 no campo Juan Baleato (Val do Dubra)
