Espe Pizarro está concentrada con Uruguai para disputar 3 partidos pertencentes á CONMEBOL Liga de Naciones.
O terceiro e último será este sábado 18 de abril en Montevideo ante Chile.
O encontro xogarase no Estadio Centenario e arrincará ás 18:00 (hora local, 23:00 en Galicia).
'La Celeste' suma 5 puntos na 8ª praza da competición mentres que as chilenas, con 7 puntos, son cuartas.
Uruguai chega a este partido após gañar por 1-2 o pasado martes 14 de abril a Bolivia en El Alto.
A protagonista foi a dianteira do Dépor ABANCA, que anotou os 2 goles do seu equipo no minuto 61 e no 86.
O primeiro dos encontros de Uruguai foi o pasado venres 10 de abril na cidade peruana de Cuzco.
Gañou 2-1 Perú, que xogou en superioridade numérica desde o desconto da primeira metade por expulsión da uruguaia Laura Felipe.
Espe Pizarro xogou os 90 minutos.
O calendario da selección uruguaia, cos resultados dos xa xogados, é o seguinte:
Venres 10 de abril
PERÚ 2 - URUGUAI 1
Martes 14 de abril
BOLIVIA 1 - URUGUAI 2
Sábado 18 de abril
18:00 (hora local, 23:00 en España): URUGUAI - CHILE, en Montevideo
Espe Pizarro suma 14 partidos esta temporada co Dépor ABANCA en Liga F, 13 deles de titular, con 6 goles marcados.
