Por iso o primeiro mandatario do club branquiazul non pechou a súa lista para completar a directiva. Se non xorden contratempos desvelará o misterio "ao virar a esquina". O caso é que a historia dun cambio anunciado continúa.
Mentres tanto, este xornal puido saber que, salvo imprevistos, o avogado laboralista José González López pasará a formar parte da xunta reitora do Deportivo. González López é fillo de José González Dopeso, caracterizado deportivista.
Así mesmo, parece que como secretario de xunta, non en calidade de secretario xeral, posto que esa figura desaparece na organigrama do club, será nomeado un novo funcionario municipal. O da organigrama é algo no que traballou coidadosamente García Yáñez, impulsado polo desexo de que o Deportivo funcione como unha empresa. En virtude desa organigrama, todo o papelorio pasará a través do persoal administrativo. Será a maneira de que aparezan datos en ausencia do directivo...
