Germán Parreño cre que todo o cadro é súper igualado e ve a un Dépor moi metido e moi competitivo
Germán Parreño pasouse esta mañá pola sala de prensa de Abegondo.
O meta deportivista recalca que "a competencia é boa para o grupo. Todo o cadro é súper igualado. Calquera que teña que participar vaino a facer ben e o bo é que salga beneficiado o grupo, o club e o equipo".
Neste sentido engade que "como hai unha competencia tan forte en todas as liñas é difícil decidir once só que teñen que xogar. Posche no seu lugar (de Imanol Idiakez) e é algo bo, complicado pero bonito e difícil. É algo que fala ben de todo o grupo e de todo o equipo, que está moi metido e é moi competitivo".
Asegura que neste inicio de temporada está "a atoparse ben, o equipo tamén e é a liña a seguir para que os bos resultados sigan chegando e que vaian a mellor".
Con tres partidos sen encaixar un gol, lembra que "se empeza a defender desde o dianteiro, desde a presión, desde todo o equipo. E saímos beneficiados todos. É algo moi bo, moi importante, ao que damos moito valor e moita importancia".
Germán subliña que a súa relación con Ian Mackay, ademais un dos capitáns, "é moi boa. A competencia, como dixo Salva, está fóra, está no rival. Nós tentámonos axudar porque entendemos e sabemos moi ben que o bo para nós e para o grupo, é que funcione, que o fagamos ben".
Advirte que el "ten experiencia. Eu teño experiencia. Sabemos e somos moi conscientes onde estamos e sobre todo el do club no que estás, de que salga todo ben. Participes ou non en fin de semana non quero dicir que non esteas a participar e iso témolo xa gravado a lume, pero polos anos que levamos neste deporte. El é moi partícipe do funcionamento. Ian Mackay e todos os que participan menos a fin de semana, pero non quere dicir que non participen porque participan moitísimo. O que pasa é que desde fóra non se ve, pero nós sentímolo desde dentro e é algo que nos fai forte e é moi importante para conseguir os obxectivos".
Preguntado pola arbitraxe, o porteiro deportivista opina que "nos tentamos illar. Arbitrar é moi difícil. Ten unha presión bo engadida, que veñen a un campo (ABANCA-RIAZOR) que non están afeitos, pero nós no persoal e no grupal centrámonos no noso. Temos cousas por mellorar, cousas que traballar e non podemos centrarnos en factores externos que non podemos controlar. Xa temos bastantes cousas para controlar nós como para centrarnos en cousas que non podemos. Estamos a traballar en nós mesmos e no controlable por nós".
Vaticina este sábado 16 de setembro ante Unionistas de Salamanca CF (21:30 horas, FEF TV) "un partido moi difícil. Algún integrante deles ou o seu míster dixo que era o partido do ano. Para nós tamén é o partido do ano a día de hoxe. Non hai un partido máis importante para nós agora mesmo. Tomámosnolo/Tomámonolo así e ten que ser así. Cada semana sabemos o difícil que vai ser cada partido e tomámosnolo/tomámonolo como debe ser, como un partido moi complicado, moi difícil, moi competido no que non vai ser nada fácil conseguir os 3 puntos, que é o que queremos".
No Estadio Reina Sofía indica que no Dépor "non debe faltar a iniciativa, a concentración e dar un plus máis que o rival para conseguir os 3 puntos. Estando concentrados, competindo ao cento por cento, sendo sólidos e cunha actitude dominante pódenos facer traernos os 3 puntos".
Finalmente, cualifica como "unha pasada" o apoio de #ANOSAFORZA: "Ir a campos e o desprazamento que fan os afeccionados é unha pasada. Dar as grazas desde aquí polo apoio e temos ganas de darlles moitas alegrías".
