Germán Parreño Boix (Elxe, 16 de febreiro de 1993) e Ainhoa Marín Martín (Badalona, Barcelona, 21 de marzo de 2001), esta por terceira vez consecutiva, recolleron esta mañá na sala de prensa do Dépor Training Center o premio ao xogador Estrella Galicia do mes de novembro no seu equipo polas súas actuacións nos partidos de liga ante o Real Zaragoza, Cultural Leonesa, Córdoba CF, AD Ceuta FC e Albacete Balompié no caso de Germán Parreño; e SD Eibar, FC Barcelona, Levante UD e Sevilla FC no caso de Ainhoa Marín.
A terna de finalistas elixidos polos medios de comunicación que cobren a diario a información dos dous equipos branquiazuis foron a formada por Germán Parreño, Yeremay e Mario Soriano no caso do Dépor; e Ainhoa Marín, Paula Gutiérrez e Olaya Rodríguez no caso do Dépor ABANCA.
Nas votacións finais a cargo de #ANOSAFORZA a través das redes sociais do Club, Germán Parreño foi o elixido no primeiro equipo masculino co 47,4% dos votos dos afeccionados, por 28,2% de Mario Soriano e 24,3% de Germán. No apartado feminino, Ainhoa Marín impúxose co 49,7% por 25,4% de Paula Gutiérrez e 24,9% de Olaya Rodríguez.
Germán Parreño está "contento polo premio e agradecido aos medios, a #ANOSAFORZA, a Estrella Galicia e sobre todo aos compañeiros por este recoñecemento. Estou a sentirme súper arroupado por todo o equipo".
E Ainhoa Marín tamén deu "as grazas a Estrella pola oportunidade de estar aquí, darnos un premio a cada unha. Espero que na seguinte póidaselle dar a oportunidade a algunha das miñas compañeiras. Lévano facendo bastante ben".