Todas as persoas que xa renovaron o seu carné do RC Deportivo para a Temporada 2021-2022 poden gozar dunha nova vantaxe por ter o abono. Introducindo a ID de socio no proceso de petición de alta en Footters pódense obter 20 euros de desconto directo no Plan de Temporada da plataforma que retransmitirá todos os partidos do equipo este ano. Co abono anual pódense ver todos os partidos do Dépor e o resto da categoría e outras divisións nacionais e internacionais que se retransmiten a través de Footters.
As socias e socios do Dépor teñen que solicitar o desconto a través deste formulario para posteriormente recibir no seu correo electrónico o código desconto de 20 euros que poderán trocar durante o proceso de alta no Plan de Temporada Regular.
Esta promoción para os Deportivistas e socios dos demais equipos de Primeira RFEF conclúe o 6 de setembro.
