O RC Deportivo chega ao final da temporada despois de alcanzar as máis importantes metas propostas a principios da mesma grazas ao apoio de #ANOSAFORZA.
O primeiro equipo masculino confirmou hai varias semanas a súa permanencia en LaLiga Hypermotion, clave para a consolidación e crecemento do proxecto.
Así mesmo, o Dépor ABANCA seguirá entre os mellores clubs de España ao certificar a súa continuidade na Liga F cun último partido en ABANCA-RIAZOR presenciado por máis de 5.000 deportivistas.
Pola súa banda, o Fabril logrou clasificarse para o play off de ascenso a Primera Federación, un novo éxito para #ANOSACANTEIRA.
O filial feminino, o Dépor ABANCA B, proclamouse campión do grupo 1º de Tercera Federación e logrou o ascenso a Segunda Federación.
De novo en categoría masculina, o Xuvenil A foi campión do grupo 1º da División de Honra e xa está entre as 4 mellores canteiras de España.
Tamén houbo éxitos nas categorías inferiores femininas. O Orzán SD Sub-21 logrou o ascenso á Tercera Federación, categoría na que antes militaba o Dépor ABANCA B.
E o Orzán SD Xuvenil xa é novo equipo de Primera Autonómica.
Non nos podemos esquecer dos nosos internacionais, cada vez en maior número nas categorías inferiores de España, Marrocos, Honduras... A lista é numerosa tanto en categoría masculina como feminina: Yeremay, Michi Apóstol, David Mella, Kevin Sánchez, Raúl Lema, Nico Balbas, Nikolay Dyulguerov, Antón Vilariño, Elena Vázquez, Lucía Rivas, Antía Veiga, Claudia Sande e Dunia Dahmouni.
A Cidade Deportiva de Abegondo, unha das instalacións máis modernas de Europa, é xa un referente de talentos.
A pesar dos éxitos cultivados, o Club non dá un paso atrás e xa traballa para seguir crecendo e superando novos retos a próxima campaña.
Forza Dépor!
