A RFEF comunicou esta tarde que a Primera Federación poderá ser seguida, na súa segunda temporada, grazas ao acordo entre a RFEF e InStat.tv polo que esta plataforma internacional de retransmisións deportivas encargarase de ofrecer todos os encontros da categoría até a campaña 2024-25.
Inicialmente, todas as persoas afeccionadas, cun simple rexistro na plataforma, poderán gozar das dúas primeiras xornadas da competición de maneira completamente gratuíta. A partir dese momento, e sen compromiso algún de permanencia, o abono total da temporada co playoff polo ascenso incluído ofertarase a un prezo de 59,90 euros, con posibilidade de optar por unha cota mensual de 10 euros.
A Primera Federación contará cunha páxina propia dentro da plataforma, dispoñible nos principais idiomas e cos múltiples servizos engadidos dentro de InStat.tv, que inclúe a retransmisión de decenas de torneos en diferentes deportes de todo o mundo. O nove partidos previstos para este sábado 27 de agosto serán os primeiros que os seguidores desta categoría poderán seguir en directo como inicio a unha temporada que se poderá seguir, integramente, en InStat.tv.
