O director xeneral corporativo do Real Club Deportivo da Coruña, SAD, José González-Dans Vázquez, presentou formalmente a súa renuncia voluntaria, mediante escrito dirixido ao Consello de Administración comunicando que emprenderá un novo proxecto profesional. O equipo reitor do Club acepta esta renuncia, que será efectiva a partir do próximo 9 de maio.
José González-Dans prestou servizos ao Club desempeñando diversas funcións directivas desde xaneiro de 2014, inicialmente como director financeiro e posteriormente como director xeneral corporativo.
O Real Club Deportivo quere agradecerlle moi sinceramente o seu traballo, profesionalidade, dedicación e deportivismo durante o últimos seis anos na entidade, desexándolle persoal e profesionalmente os maiores éxitos no seu futuro proxecto.
