Unha das grandes perlas de #ANOSACANTEIRA, Kevin Sánchez, clausurou esta tarde as 3 quendas dos luns na sede de Alvedro da Escola RC Deportivo.
A pesar de chegar á Coruña ás 6:30 desta madrugada de Zaragoza, onde puido xogar uns minutos co primeiro equipo, o atacante fabrilista malgastou simpatía entre os 60 nenos e nenas que participaron nesta sede dunha das actividades sociais máis demandadas na Fundación RC Deportivo.
Kevin Sánchez, acompañado polos técnicos, respondeu a todas as curiosidades dos alumnos.
Acto seguido houbo repartición de diplomas e firma de autógrafos.
O pasado mes de outubro arrincou un novo curso, o sétimo, da Escola RC Deportivo nestas sedes: Alvedro, Outes, Colexio Jesuitinas e Colexio Internacional Eirís; ás que houbo que engadir Sada e Zas.
Esta escola profesional de fútbol está destinada a todos os nenos e nenas entre 6 e 14 anos que desexen complementar a súa formación de maneira máis específica con adestradores da canteira do RC Deportivo, independentemente do seu nivel de práctica.
As Escolas RC Deportivo Colexio Jesuitinas e Colexio Internacional Eirís están destinadas a todos os alumnos/as de cada centro que desexen participar.
Calquera centro que desexe participar ou queira crear unha Escola RC Deportivo dentro do seu programa de actividades pode contactar coa Dirección en escola@rcdeportivo.es.
Houbo novas actividades, xornadas en Abegondo e sorteos de agasallos.
Ademais, na súa localización da Cidade Deportiva Arsenio Iglesias na Torre continuou a súa actividade a Escola RC Deportivo Diversidade Funcional, destinada a todas as persoas con diversidade funcional entre 16 e 40 anos que desexen iniciarse no fútbol ou complementar os seus adestramentos de maneira máis específica con adestradores do equipo Genuine do RC Deportivo.
Este ano, a Escola RC Deportivo Diversidade Funcional puxo en marcha unha nova quenda os martes de 16:00 a 18:00 horas para alumnos e alumnas de 8 a 14 anos.
Toda a información acerca de tarifas, horarios, que inclúe a actividade, etc... pode consultarse en http://escola.rcdeportivo.es.
Para calquera dúbida ou consulta acerca da actividade así como calquera problema co proceso de inscrición poden contactar coa organización no correo electrónico escola@rcdeportivo.es.