Laura Gutiérrez Sáenz de Santa María (Luanco, Asturias, 18 de abril de 2000) é a segunda fichaxe do Dépor ABANCA 2023-24.
Máis coñecida no mundo do fútbol como Laurina, a futbolista asturiana, que asinou até xuño de 2024, actúa principalmente como extremo esquerda aínda que pode amoldarse a calquera posición da liña ofensiva.
Formada na prolífica canteira do Oviedo Moderno CF, co que chegou a debutar na máxima categoría nacional con só 15 anos, no verán de 2021 puxo rumbo a Sevilla para xogar na Liga F co Real Betis Féminas. Nestas dúas temporadas co equipo verdibranco sumou 45 aparicións (44 en Liga e 1 en Copa da Raíña) aínda que unicamente 16 como titular, nas que anotou 2 goles.
No seu paso polo conxunto ovetense, ademais de coincidir coas actuais xogadoras deportivistas Henar Muiña e Carlota Suárez, Laurina disputou numerosos choques importantes fronte ao Dépor ABANCA, entre eles o primeiro encontro oficial da historia do equipo, o 4 de setembro de 2016 en Ponte dos Brozos (Arteixo).
A futbolista asturiana foi internacional con España en categorías inferiores. Laurina formou parte do equipo nacional que logrou o subcampeonato de Europa Sub-17 en 2016 e o terceiro posto no Mundial Sub-17 celebrado en Xordania ese mesmo ano.
Laurina súmase ao cadro deportivista 2023-24 tralas renovacións de Lucía Alba, Henar Muiña e Cris Martínez durante o curso 2022-23, as recentes ampliacións de Millene, Raquel García e Charle, as xogadoras con contrato en vigor: Inés Altamira, Paula Gutiérrez, Ainhoa Marín e Carlota Suárez, e a fichaxe de Clara Rodríguez (FC Barcelona B).
