A RC Deportivo Fundación, de cara ao encontro do Deportivo ABANCA deste domingo 11 de xaneiro (12:00) fronte ao UD Costa Adeje Tenerife de Liga F, reactivou a Bancada Solidaria de ABANCA-RIAZOR, unha iniciativa na que cada partido destina unha ampla cota de entradas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade.
Atendendo á política de transparencia e Responsabilidade Social Corporativa (RSC) do RC Deportivo e da súa Fundación, sempre se publican as entidades que fan uso da bancada solidaria, que son para este partido as seguintes: EDUCO, Fundación ADCOR, Asociación Participa, Hogar Sor Eusebia, Les Coruña, Fogar A Milagrosa de Carballo, ASPRONAGA e Saúde Mental FEAFES Galicia.
Para solicitar entradas para a Bancada Solidaria, limitadas a 10 por asociación, o formulario está dispoñible nesta ligazón.
