Lucho García debutou onte en partido oficial co Deportivo. Fíxoo ademais cun gran partido ante o CD El Ejido en ABANCA-RIAZOR, correspondente á primeira eliminatoria da Copa de SM O Rei.
Apunta ante os medios de comunicación que sentiuse "moi ben, moi apoiado polo equipo. Grazas a deus saíron todas as cousas ben. Con moitas ganas de seguir demostrando, de seguir traballando para que sigan saíndo as cousas ben".
Desvela como séntese cada día en Abegondo, sen debutar en liga: "O máis fácil foi xogar o partido de onte. O máis difícil que pode ser é o día a día, chegar todos os luns, ter que traballar e dicir ¿que vou facer este día para seguir mellorando? Se eu melloro, o meu compañeiro vai mellorar e ao equipo vaille a ir mellor. Só estou a esperar que chegue a miña oportunidade. Agradecerlle ao míster a confianza que me deu onte. Estou aquí, cento por cento comprometido co equipo. Sexa suplente ou titular vou dalo todo nos adestramentos para que cando chegue a miña oportunidade póidao facer ben".
O meta deportivista é consciente que hai que escoitar a #ANOSAFORZA pero tamén subliña a importancia de "escoitar mellor as mensaxes positivas que as negativas. Viñemos xogando ben. Están a darse os resultados. Non hai que volverse tolos porque se perdeu un partido".
Lembra o futbolista colombiano que o Deportivo "é un dos equipos menos goleados de Segunda B. #ANOSAFORZA non se ten que preocupar, ten que axudar ao equipo, ten que estar unida connosco. Á fin e ao cabo todos imos no mesmo camiño. O que queremos son mensaxes positivas, o apoio da afección, que onte nos apoiou moitísimo trala derrota co Celta. Pedirlle a #ANOSAFORZA que estea connosco nestes momentos que se cadra tes dúbidas; que pensen que é o que nos pode axudar e pódenos prexudicar. Unha mensaxe positiva vainos a axudar máis que unha mensaxe negativa".
Lucho reflexiona sobre a Copa do Rei e asegura que Fernando Vázquez "si lle dá importancia á Copa. Pero co paso dos partidos vai haber moita máis esixencia; vai haber viaxes e por tanto o tempo de recuperación vai ser máis curto. Pódeche prexudicar para a liga. Entendo ao míster. Á fin e ao cabo o obxectivo principal, o que quere aquí todo o mundo, é ascender a Segunda División".
No entanto, insiste en que o torneo copeiro "é algo moi bonito. Eu non quero perder nada, nin un só partido. Entón hai que loitar por iso, hai que traballar".
