Manu Sánchez compareceu esta mañá en rolda de prensa telemática despois da cruel derrota do Deportivo ABANCA en ABANCA-RIAZOR ante o Sevilla FC.
O técnico deportivista manifestou que o partido de onte "tivo varios momentos. Nuns estivemos nós mellor, noutros o Sevilla conseguiu imporse. O máis xusto sería un empate".
Cre que "non é normal que os seis primeiros partidos de competición non conseguísemos ningún punto. Estamos a arrastrar diversos factores que non ten que ser ningunha escusa como poden ser as baixas, mecanismos interiorizados que non están funcionado... Estamos a cambiar moitos deles e necesítase tempo para que as xogadoras asimíleno, para que as xogadoras novas entendan o que buscamos. Estamos nese proceso que sempre é máis sinxelo se se conseguen vitorias. Non as estamos conseguindo e é o que nos está lastrando".
Manu Sánchez non cre en fórmulas máxicas para reverter a situación: "Isto vai de traballar, de cambiar diversos aspectos. Cambiamos o sistema, estamos a probar con diferentes mecanismos. Non atopamos aínda a tecla. Todo iso chegará con bos resultados. Iso é o que esperamos e o que estamos a buscar. Estivemos moi preto onte. É a idea, seguir traballando nesa liña, tratando de animar ás xogadoras e buscar ese resultado positivo que nos dea tranquilidade".
A pesar de que están previstos esta temporada catro descensos a Reto Iberdrola, lembra que aínda "estamos na 6ª xornada. Contamos con que se xogue toda a liga. É moi cedo para complicarse a vida e pór encima laxas máis pesadas para as xogadoras. Non podemos pensar na 6ª xornada en descensos nin en campionatos".
Confesa que onte "as xogadoras acabaron moi mal porque senten moito este equipo, o Club, todo o traballo que fan. Era un día especial, en ABANCA-RIAZOR para tentar reverter a situación. Elas padéceno máis que ninguén. Pero é un motivo de orgullo ver que as xogadoras na 6ª xornada de liga están así porque iso quere dicir que están moi responsabilizadas co que está a ocorrer".
Desvela que a mensaxe que nestas circunstancias transmíteselles ao vestiario é "claro: este é o camiño. Esta é a loita que ten que haber en todos os partidos que nos quedan por diante. Hai que seguir. Non gañamos nada lamentándonos. Hai que arranxar os erros que puidemos cometer neste partido para non cometelos no futuro; e seguir. Penso que este é un vestiario gañador con xogadoras moi orgullosas do seu e do Club. Hai que seguir neste camiño".
De feito, rescata o adestrador branquiazul aspectos positivos do encontro de onte á noite: "O primeiro aspecto positivo é o espírito e o orgullo das xogadoras que temos. Son xogadoras que non van deixar que isto se caia. Ese é o principal aspecto ao que temos que agarrarnos. Despois o traballo diario. As futbolistas traballan sen descanso cada día en Abegondo con ganas, con moita ilusión por reverter esta situación. O resto xa son aspectos que temos que ir modificando nós, acertando cos mecanismos que necesitamos para cada partido, coas xogadoras idóneas para cada partido. Todo iso é o que nos vai a sacar de aquí".
