Manuel Pablo admitiu na sala de prensa do Dépor Training Center que "nos está custando gañar en casa. Se non somos capaces de estar acertados os rivais están a collernos a onda. Está a faltarnos ese acerto".
Iso si, asegura que "imos seguir na mesma liña. Está a custarnos o acerto. Estamos a xerar ocasións en ataque para poder facer goles e non nos van a regalar nada".
Do Real Ávila CF, rival este domingo 21 de decembro ás 12:00 (YouTube RC Deportivo) no Dépor Training Center, opina que "a pesar dos seus resultados fóra de casa, está a facer as cousas ben".
Do expediente disciplinario aberto ao Club pola denuncia do CD Numancia de aliñación indebida de Hugo Torres a pasada fin de semana en Los Pajaritos, foi tallante o técnico fabrilista: "Sabiamos que podía pasar. Avisáronnos. O tema está nos nosos avogados, que están a traballar niso. A nivel deportivo, e como ex xogador, non entendería que esta situación nos prexudicase porque fixemos un gran esforzo, competimos moi ben e os rapaces fixeron un gran partido para levar os 3 puntos".
Conclúe este tema ao afirmar que "non está nas nosas mans e por tanto témonos que centrar no que vén".
