Manuel Pablo advirte que a RS Gimnástica de Torrelavega, último rival do Fabril en liga, este domingo 4 de maio ás 12:00 (YouTube RC Deportivo) en Abegondo, "gañou os seus dous últimos partidos en casa por bastantes goles. Teñen xente con velocidade por banda. Está a repetir moitos xogadores no once. Teñen calidade. É un bo equipo a pesar onde están agora mesmo".
Así mesmo, espera que "nós teñamos continuidade, que non nos frustremos, que non nos desesperemos".
Desexa o técnico fabrilista que, "xa que os últimos partidos en casa estanos custando moito, ter esa parte de axuda da bancada, que nos dea a enerxía porque a necesitamos. Esperemos que #ANOSAFORZA nos dea a enerxía necesaria para sacar o partido adiante".
Manuel Pablo cre que meterse no play off de ascenso a Primera Federación "é algo bo, bonito; con estas idades meterte en situacións de seguir competindo por obxectivos que non te marcaches. Iso require ambición e querer crecer. Só pódenos beneficiar estar nesta situación para que eles individualmente crezan".
Apunta que "as ligas son longas e cando tes os obxectivos cumpridos, custa motivar. Eles están a empezar nisto. Teñen moito fútbol por diante e nestas situacións deben de ser ambiciosos".
