Marina Artero Moreno (Barrika, Biscaia, 14 de outubro de 2005) únese á deportivista Olaya Enrique Rodríguez (Avilés, Asturias, 10 de maio de 2005) á citación da selección española sub-20 co obxecto de preparar o Campionato do Mundo da categoría que se disputará en Colombia.
A defensora branquiazul acábase de proclamar campioa de Europa sub-19 en Lituania, motivo polo cal foi homenaxeada o pasado venres en ABANCA-RIAZOR xunto ao canteirán David Mella, campión europeo en categoría masculina.
As dúas futbolistas do Dépor ABANCA concentraranse desde este luns 12 ao venres 16 de agosto na localidade alacantina de Alfaz del Pi.
No transcurso destes días, España disputará un amigable ante Países Baixos, concretamente o venres 16 ás 11:15 no Albir Garden Sports.
