Do mesmo xeito que sucedeu no mes de outubro, Mario Soriano Carreño (Torrexón de Ardoz, 22 de abril de 2002) e Ainhoa Marín Martín (Badalona, Barcelona, 21 de marzo de 2001), esta por cuarta vez consecutiva, recolleron esta mañá na sala de prensa do Dépor Training Center de mans de Gustavo Galván, promotor de EstrelLa Galicia, o premio ao xogador EstrelLa Galicia do mes de decembro polas súas actuacións nos partidos de liga ante o CD CastellóN, Real Sociedad B e FC Andorra no caso de Mario Soriano; e Granada CF e Real Sociedad no caso de Ainhoa Marín.
A terna de finalistas elixidos polos medios de comunicación que cobren a diario a información dos dous equipos branquiazuis foron a formada por Quagliata, Mario Soriano e Miguel Loureiro no caso do Dépor; e Ainhoa Marín, Inês Pereira e Paula Gutiérrez no caso do Dépor ABANCA.
Nas votacións finais a cargo de #ANOSAFORZA a través das redes sociais do Club, Mario Soriano foi o elixido no primeiro equipo masculino co 42,9% dos votos dos afeccionados, por 40,7% de Quagliata e 16,3% de Loureiro. No apartado feminino, Ainhoa Marín impúxose co 51,9% por 32,1% de Paula Gutiérrez e 16% de Inês Pereira.
Mario Soriano quixo "dar as grazas aos medios, aos afeccionados e tamén a Estrella"; e Ainhoa Marín confesou estar "contenta por outra vez máis. Doulle as grazas a Estrella Galicia como sempre".