O Alevín B participou esta fin de semana na 20ª edición do Memorial David Bautista, que se xogou no Estadio Enrique López Cuenca da localidade malagueña de Nerja.
O conxunto deportivista completou un gran torneo ao superar a Primeira Fase; e eliminar logo ao Granada CF en cuartos de final e hoxe domingo ao Atlético de Madrid en semifinais (2-1). O Alevín B só foi superado polo Espanyol (1-4) na gran final.
Ademais, o deportivista Rodrigo foi elixido mellor porteiro da competición.
Os resultados do Alevín B foron os seguintes:
Sábado 9 de marzo
Primeira Fase
ALEVÍN B 1 (Íker) - BALOMPÉDICA LINENSE 1
ALEVÍN B 1 (Xabi) - MÁLAGA CF 0
UD MOTRIL 0 - ALEVÍN B 4 (Xabi, Borja, Leandro e Diego)
Cuartos de final
ALEVÍN B 5 (Nico -2-, Rubén, Xabi e Borja) - GRANADA CF 2
Domingo 10 de marzo
Semifinal
ALEVÍN B 2 (Diego e Íker) - ATLÉTICO DE MADRID 1
Final
ALEVÍN B 1 (Diego) - ESPANYOL 4
Debido á participación do Alevín B neste torneo, o partido correspondente á 4ª xornada da Segunda Fase da Segunda Comarcal ante o CD Calasanz C, previsto para esta fin de semana, xogarase o venres 15 de marzo ás 20:00 horas en San Pedro de Visma.
