O derbi de veciños entre o Fabril, líder da Segunda Federación, e o Bergantiños CF, 4º con 18, previsto para o domingo 9 de novembro ás 12:00 (YouTube RC Deportivo) no campo Arsenio Iglesias é o partido da fin de semana.
Os fabrilistas, a pesar de caer derrotados en Ourense, mantéñense á fronte da táboa porque os seus perseguidores tampouco foron capaces de gañar: Oviedo Vetusta, Bergantiños CF e Gimnástica Segoviana CF empataron en casa; mentres que o Real Ávila caeu en Sarria.
Manuel Pablo recupera "xente importante" como Samu, Damián Canedo, Manu Ferreiro ou Hugo Torres.
O Club mantén activo o protocolo de apertura con rexistro de asistentes do campo Arsenio Iglesias.
Poden retirar entradas dispoñibles, até esgotar a bancada e sen ningún custo adicional, todos os socios e socias do RC Deportivo que o tramiten formalmente a través da web bancada.rcdeportivo.es, na que deberán introducir a súa ID de socio e o pin. A continuación, seleccionar unha localidade libre e posteriormente completar os seus datos de contacto e a dirección de correo electrónico onde recibir a entrada.
Con eses mesmos datos doutras persoas socias, unha única pode retirar máis dunha entrada nunha soa xestión e, deste xeito, seleccionar asentos contiguos ou próximos.
Este procedemento ten dous fins: poder solicitar e recibir a entrada e, ademais, levar un control de repartición e localización na instalación.
O RC Deportivo solicita que unicamente tramiten a entrada aqueles socios e socias que vaian poder acudir ao partido, para evitar que queden afeccionados sen poder asistir unha vez completado a repartición dos asentos nun proceso 100 % telemático.
Tamén está habilitado simultaneamente o sistema de venda de entradas para o público en xeral, a través da mesma plataforma en bancada.rcdeportivo.es e seguindo o preceptivo sistema de rexistro e pago de localidade. O prezo de cada entrada para afeccionados sen carné do RC Deportivo é de 10 euros.
Completa a xornada do domingo 9 no campo Arsenio Iglesias o encontro entre o Xuvenil A e o TSK Roces que arrincará ás 15:45.
E en Os Regos (Oleiros) o Fabril FC Benxamín mídese ás 12:00 ao Santa Cruz CF.
Antes, este sábado 8 de novembro disputáronse o resto de partidos.
En casa o Xuvenil B (na foto principal da noticia) goleou ao AJ Lérez (9-0) para seguir no ronsel do liderado.
Como visitantes competiron o resto de equipos de ANOSACANTEIRA: o Infantil na Coruña ante o Ural Español CF (1-4), o San Tirso SD Infantil en Ourense ante o Pabellón CF (1-1), o Alevín A na Torre ante o Victoria CF (1-2), o Fabril FC Alevín en Carballo ante o ED Luis Calvo (0-4) e o Benxamín A na Torre ante o Victoria CF (1-8).
O duelo entre o San Tirso SD Cadete e o Cadete na zona alta da División de Honra abriu o pasado xoves o calendario de partidos de ANOSACANTEIRA.
O partido, xogado no Monte, caeu para os branquiazuis por 0-1 cun tanto de Gabri aos 48 minutos de partido.
Con este resultado, o Cadete lidera a táboa con 24 puntos.
O calendario de partidos, cos resultados dos xa xogados, é o seguinte:
Segunda Federación
10ª xornada: FABRIL - BERGANTIÑOS CF, o domingo 9 de novembro ás 12:00 no campo Arsenio Iglesias
Categoría xuvenil
División de Honra, 8ª xornada: XUVENIL A - TSK ROCES, o domingo 9 de novembro ás 15:45 no campo Arsenio Iglesias
Liga Nacional, 10ª xornada: XUVENIL B 9 (Elías -2-, Gael -2-, Nico, Sabino, Roi, Joaquín e Yago Trigo) - AJ LÉREZ 0
Categoría cadete
División de Honra, 8ª xornada (xoves 6): SAN TIRSO SD CADETE 0 - CADETE 1 (Gabri)
Categoría infantil
División de Honra, 8ª xornada: URAL ESPAÑOL CF 0 - INFANTIL 4 (Gael -2-, Álvaro Gómez e un futbolista rival en propia meta)
División de Honra, 8ª xornada: PABELLÓN OURENSE CF 1 - SAN TIRSO SD INFANTIL 1 (Yago)
Categoría alevín
Primera Futgal A Coruña, 7ª xornada: VICTORIA CF 1 - ALEVÍN A 2 (Adrián Liñares e Enzo Fernández)
Primera Futgal A Coruña, 7ª xornada: ED LUÍS CALVO 0 - FABRIL FC ALEVÍN 4 (Leo Barro, Mateo Pastorín, Manu Parada e Martín Martelo)
Categoría benxamín
Primera Futgal A Coruña, 7ª xornada: VICTORIA CF 1 - BENXAMÍN A 8 (Fabio Álvarez -2-, Tomás Sánchez -2-, Ian Lata, Hugo Cancela, Mateo Ramos e Hugo Rey)
Primera Futgal A Coruña, 7ª xornada: SANTA CRUZ CF - FABRIL FC BENXAMÍN, o domingo 9 de novembro ás 12:00 no campo Leonardo Maceiras (Os Regos)