O Alevín enfróntase mañá mércores 23 de abril ao CD Calasanz en partido correspondente á 7ª xornada do Trofeo Conservas Calvo de fútbol 11 disputada xa na súa totalidade.
O encontro arrincará ás 19:15 no campo de herba artificial da Cidade Deportiva de Abegondo.
O conxunto branquiazul ocupa a 2ª praza do grupo norte con 16 puntos por 17 do CD Lugo, que ten un partido máis.
O equipo que dirixe Alberto Suárez venceu até a data ao Xallas FC (0-10), Galicia Caranza (0-9), San Tirso SD (10-0), Ural Español CF (0-2) e Atlético Coruña Montañeros CF (5-1); e empatou co CD Lugo (1-1).
Pola súa banda, o conxunto colexial é 3º con 15 puntos pero con 2 partidos menos disputados.
