O Comité de Competición da RFEF acordou hoxe mércores dar por ganado ao Dépor por 3-0 o partido que se tiña que disputar o pasado domingo 14 de novembro en ABANCA-RIAZOR ante o Extremadura UD e que non se chegou a xogar por incomparecencia do equipo estremeño.
Contra esta resolución cabe un recurso ante o Comité de Apelación no prazo dos próximos dez días hábiles.
Miku, en rolda de prensa esta mesma mañá após recoller o Premio Estrella Galicia ao mellor xogador do Dépor no mes de outubro, afirmaba que eses tres puntos para o Dépor "é o que o Regulamento di. Nós fomos, estabamos á hora o día que era. E o Regulamento é bastante claro nese sentido. Os tres puntos por vía administrativa son nosos".
Con esta resolución, o Dépor suma 26 puntos como líder en solitario do grupo 1 de Primeira RFEF, con 3 puntos de vantaxe sobre o Real Racing Club, CF Rayo Majadahonda e UD Logroñés, todos eles con 23.
