O Dépor ABANCA pechou esta temporada a Liga F co obxetivo cumprido e cun partido de ida e volta no Estadio Fernando Torres de Fuenlabrada que caeu por 4-3 ao lado do Madrid CFF.
Con este resultado, As Nosas conclúen a campaña con 27 puntos na 14ª posición, con 6 partidos gañados, 9 empatados e 15 perdidos; e con 27 goles a favor e 48 en contra.
O Madrid CFF, un equipo que non se xogaba nada pero que quería acabar a temporada dando unha alegría á súa afección, saíu moi enchufado e adiantouse ao cuarto de hora.
Mendoza, case desde o seu campo, ve adiantada a Inês Pereira e marca un golazo de vaselina.
Pouco despois, aos 19 minutos, Nautnes adiántase ao seu par no corazón da área pequena a un centro desde a banda dereita e bate por baixo á gardameta deportivista.
A única opción deportivista foi un disparo de Millene á media volta que Paola logra desviar o xusto para que o balón estrélese na madeira e salga a saque de esquina.
Pouco despois, Hildur, tamén desde moi lonxe, coloca o balón lonxe de Inês Pereira pero o seu disparo golpea no poste esquerdo da portería do Dépor ABANCA e sae fóra.
Con este resultado chegouse ao descanso.
"Foi unha mala primeira parte. Non estamos contentas coa nosa actuación", concluíu Fran Alonso ante os medios de comunicación.
Após o paso polos vestiarios chegou a reacción deportivista.
Fran Alonso dá entrada a Michi Apóstol e Eva Dios por Bárbara e Marina Artero; e no ecuador da segunda metade ADT e Hmírová por Millene e Samara Ortiz.
Olaya, de falta directa desde fóra da área, recorta diferenzas no minuto 70.
O partido era branquiazul. Tres minutos despois, Paula Gutiérrez empata. A centrocampista blanquaiazul recolle na frontal un mal despexe do Madrid CFF e o seu remate, colocado á esquerda, é imparable para Paola.
A 9 minutos do final, ADT faise con outro balón fose da área e colócao no recanto dereito de Paola. Outro golazo.
O técnico deportivista subliña que "fixemos unha boa segunda parte. Puidemos marcar máis goles. Conseguimos remontar un resultado moi adverso".
Pero as madrileñas lograron de novo darlle a volta en dous descoidos defensivos do Dépor ABANCA.
Nautnes, no 85, aproveita unha indecisión da defensa deportivista e cruza o balón no segundo pau lonxe do alcance de Inês Pereira.
E case no 90, de novo Nautnes logra o seu 'hat trick' ao empuxar á rede en boca de gol o un despexe de Inês Pereira a disparo de Alba Ruiz.
"Foi unha pena que ao final non puidésemos conseguir a vitoria ou o empate", concluíu Fran Alonso.
Madrid CFF: Paola, Villafañe, Mónica (Alba Ruiz, min. 72), Cometti, Mendoza, Allegra, Hildur (Cris Librán, min. 83), Esther (Marina, min. 72), Nerea (Marcetto, min. 58), Andonova (Bárbara, min. 58) e Nautnes
Deportivo ABANCA: Inês Pereira, Raquel, Vera, Elena, Samara (Hmírová, min. 69), Paula Gutiérrez, Marina Artero ( Eva Dios, min. 46), Olaya, Ainhoa Marín, Bárbara (Michi Apóstol, min. 46) e Millene (ADT, min. 69)
Árbitra: Ylenia Sánchez Miguel, do comité catalán. Amoestou a Esther (min. 68) e Olaya (min. 68)
Goles: 1-0 Mendoza (min. 15); 2-0 Nautnes (min. 19); 2-1 Olaya (min. 70); 2-2 Paula Gutiérrez (min. 73); 2-3 ADT (min. 81); 3-3 Nautnes (min. 85); 4-3 Nautnes (min. 89)
Incidencias: partido correspondente á 30ª xornada na Liga F disputado no Estadio Fernando Torres de Fuenlabrada
