O Dépor ABANCA xa coñece os horarios dos seus tres próximos encontros na liga 2023-24, na que milita en Primera Federación Iberdrola, a segunda categoría nacional.
O próximo compromiso, após esta semana de parón debido á xornada de seleccións nacionais, terá lugar o primeiro de outubro, domingo, en horario de tarde (17:00 horas) en campo do DUX Logroño, en choque correspondente á 3ª xornada.
Os seguintes encontros terán lugar en horario matinal. O da 4ª xornada, en Abegondo ante o Madrid CFF B, será o sábado 7 de outubro ás 12:00 horas. E o da 5ª xornada, en Sant Adrià de Besòs fronte ao RCD Espanyol, o domingo 15 de outubro ás 11:00 horas.
Os horarios confirmados dos encontros do Dépor ABANCA son os seguintes:
Xornada 3, domingo 1 de outubro, 17:00 horas, Ciudad del Fútbol de Pradoviejo: DUX Logroño - Dépor ABANCA
Xornada 4, sábado 7 de outubro, 12:00 horas, Abegondo: Dépor ABANCA - Madrid CFF B
Xornada 5, domingo 15 de outubro, 11:00 horas, Ciudad Deportiva Dani Jarque: RCD Espanyol - Dépor ABANCA
