Luis Eduardo Quintero Hernández (Alacante, 12 de outubro de 2004) chega ao Deportivo cedido polo Villarreal CF para o que resta de campaña con opción de compra.
Após pasar polas canteiras do Elche CF, Kelme CF e CD Roda, este atacante que pode actuar de mediapunta ou en banda, ficha polo equipo xuvenil do Villarreal CF para dar o salto este verán en calidade de cedido ao SD Amorebieta de Segunda División.
No que vai de campaña participou co conxunto vasco en 18 partidos de liga con 1 asistencia; e 2 partidos de Copa del Rey, ante o Levante UD e RC Celta.
Orixinario de Colombia, foi internacional polo seu país en categoría sub-16 e sub-20. Quintero ten familia na Coruña desde hai anos e é fervente seguidor branquiazul desde a súa infancia.
Esta mañá adestrarase xa en Abegondo cos seus novos compañeiros e mañá xoves será presentado ante os medios de comunicación na Cidade Deportiva.