Novo e intensa fin de semana vivida polo Dépor Genuine en LaLiga Genuine 2024-25, unha competición de fútbol desenvolvida por LALIGA, a través da súa Fundación, e pioneira en promover a integración de persoas con discapacidade intelectual na sociedade a través do fútbol.
Intégrana 47 equipos procedentes de toda a xeografía española, con algo máis de 1.200 xogadores e xogadoras; e asentada como un referente no deporte inclusivo e unha celebración da diversidade.
Os equipos quedaron divididos en 2 grupos baixo os nomes de Compañeirismo e Respecto, dos que sairán dous campións deportivos e dous de fair play cando finalice o calendario, que está dividido en 4 fases, distribuídas en 6 sedes.
A terceira fase foi para os deportivistas na Cidade Deportiva do Burgos CF esta fin de semana.
Hoxe domingo tocou medirse á SD Eibar Fundazioa, con resultado final favorable por 0-3 para os vascos.
Carlos García, membro do equipo técnico deportivista, pediu aos seus xogadores na charla previa, logo cumprido, "tentar ser mellores. Imos pelexar, correr, animarnos, a tentar ser mellores".
O Getafe CF foi o primeiro rival onte sábado. O resultado final foi de 0-3 para os madrileños, con 3 partes a favor dos getafenses e a última finalizada con empate (1-1) e gol deportivista de Álvaro López.
Os resultados do Dépor Genuine nesta terceira fase foron os seguintes:
Sábado 10 de maio
DÉPOR GENUINE 0 - XETAFE CF 3
Domingo 11 de maio
DÉPOR GENUINE 0 - SD EIBAR FUNDAZIOA 3
Anteriormente LaLiga Genuine pasou por Tarragona, co Nàstic como club anfitrión, o pasado mes de novembro de 2024; e por Abegondo e Paterna, dividida a comunidade Genuine en 2 grupos, na segunda fase disputada en marzo.
Para finalizar, do 30 de maio ao 1 de xuño terá lugar a máis que esperada gran final da competición que reunirá aos 47 equipos que a compoñen. O Athletic Club será o encargado de recibir a toda a gran familia Genuine na súa Cidade Deportiva de Lezama, onde se disputarán os últimos e máis emocionantes encontros da edición. Valencia CF, FC Cartagena e UD Almería enfrontaranse aos deportivistas.
LALIGA GENUINE é un proxecto que fomenta a igualdade, a tolerancia e o respecto mediante a forza do fútbol, pero tamén mediante programas de inclusión sociolaboral e de apoio á formación dos seus integrantes.
