O corazón do deportivismo, ABANCA-RIAZOR, latexará con máis forza que nunca nos prolegómenos do partido ante o Granada CF deste domingo 8 de marzo ás 21:00 horas.
No templo do RC Deportivo, cada asento será unha faísca e cada afeccionado, unha estrela. ABANCA-RIAZOR non só será escenario de fútbol, senón de emoción compartida.
En colaboración con Bualá, #ANOSAFORZA converterase en protagonista dun espectáculo de luces sincronizado. Nos minutos previos á saída dos xogadores ao terreo de xogo, proxectarase nos videomarcadores un código QR que permitirá acceder á plataforma desde a que se coordinará a activación lumínica. Tamén se poderá entrar desde a seguinte ligazón.
Os afeccionados deberán escanear o QR ou acceder á ligazón e aceptar os permisos indicados de cámara. No momento sinalado, bastará con levantar o móbil (sen bloquear o dispositivo) para que a luz actívese. Unha vez iniciado o espectáculo, a lanterna do dispositivo acenderase e apagará ao ritmo da música, de maneira totalmente sincronizada, formando parte dunha coreografía colectiva que iluminará o estadio formando un mosaico de luz branquiazul. É por iso que os afeccionados situados nas bancadas superiores contarán coa posibilidade de incorporar un filtro azul á lanterna do seu dispositivo.
Desde a organización recoméndase aos afeccionados acceder ao estadio con antelación para participar na activación e gozar integramente da previa do encontro.
