O Dépor goza dunha merecida xornada de descanso previa a retomar os adestramentos este mércores 11 de febreiro a partir das 10:30 no Dépor Training Center.
O encontro do Dépor do pasado domingo ante o Albacete Balompié en ABANCA-RIAZOR, cuxos mellores momentos podes ver debaixo destas liñas, pechouse como o segundo partido do curso no que o equipo percorreu máis metros, cun total de 123.496 metros acumulados.
Este rexistro volve pór en valor o esforzo, a intensidade e o traballo colectivo do equipo durante todo o encontro.
O único partido que supera esta cifra nesta liga foi o disputado ante o Real Valladolid, tamén en ABANCA-RIAZOR, no que o Dépor alcanzou os 125.192 metros, o maior rexistro da temporada até o momento.
Os resultados da última xornada deixaron a Os Nosos en 3ª posición de LaLiga Hypermotion con 43 puntos.
Antonio Hidalgo ten previsto 4 sesións de traballo no Dépor Training Center previas ao partido deste domingo 15 de febreiro ás 21:00 no Estadio SkyFi Castalia, retransmitido en directo por LaLiga TV Hypermotion e Fútbol 2, dispoñible en DIGI TV e outras plataformas.
Na zona mixta do pasado domingo en ABANCA-RIAZOR, Riki, un dos futbolistas con máis experiencia na categoría, apunta que o conxunto castellonenco está "en moi boa forma. Sabemos que vai ser moi difícil, iso está claro".
O novo centrocampista branquiazul, no entanto, lembra que "somos o Dépor e hai que ir alí a gañar".
Finalmente sostén que "temos un cadro moi bo. Veño aquí a axudar desde onde me toque. O día que me toque facelo desde dentro pois desde dentro e cando non me toque axudar ao compañeiro a que o faga o mellor posible. Hai un obxectivo común que é moi importante e iso está por encima de todo".
A planificación semanal, sempre susceptible de sufrir variación por razóns técnicas, é a seguinte:
Mércores 11 de febreiro
10:30 h.
Xoves 12 de febreiro
10:30 h.
Venres 13 de febreiro
10:30 h.
Sábado 14 de febreiro
Pendente de determinar
Domingo 15 de febreiro
21:00: CD Castellón - Deportivo, no Estadio SkyFi Castalia
