RCDeportivo RCDeportivo RCDeportivo
Skip to main content
GL
RCDEPORTIVO

O RC Deportivo, máis sostible e comprometido socialmente

O RC Deportivo 2023-24 marcou a folla de ruta do seu compromiso consciente, continuo e voluntario como organización coa Responsabilidade Social Corporativa (RSC), xestionando máis e mellor o impacto das súas accións e a súa actividade nos ámbitos do bo goberno, social e ambiental.

Dous proxectos centrados no medio ambiente tiveron gran protagonismo nos partidos no Estadio ABANCA-RIAZOR. O primeiro, a retirada dos vasos de plástico dun só uso, o que permitiu evitar a utilización de nada menos que 160.000 unidades deses recipientes. O segundo, a reciclaxe de pipas, con case 3.000 quilos colleitados para convertelos en abono.

Ademais, as principais actividades da Fundación RC Deportivo, os DéporCampus de verán e nadal e a Escola RC Deportivo, aumentaron tanto en número de sedes como en número de participantes. Tamén o Dépor Genuine aumentou a súa actividade e sumouse, nunha iniciativa pioneira, á Escola RC Deportivo na súa versión de Diversidade Funcional.

O RC Deportivo tamén participou en diversas campañas benéficas, ademais de crear un comité de igualdade, de reducir a produción de desperdicios en Abegondo e proxectar a creación dun palco sensorial destinado ás persoas cegas.

Estes foron os principais fitos do Club relacionados coa Responsabilidade Social Corporativa:

- Proxecto de transformación de residuos de pipas en ABANCA-RIAZOR: 2.942 quilos colleitados 
- Proxecto de vasos solidarios: máis de 160.000 vasos reciclados
- Aumento da participación en todas as actividades formativas e lúdicas da Fundación RC Deportivo: Escola RC Deportivo, DéporCampus de verán e nadal e Dépor Genuine, e creación da Dépor Summer Experience
- Proxecto dun palco sensorial
- Participación en xornadas contra o cancro, eventos do 8-M, banco de alimentos Rías Altas e outras actividades comunitarias
- Creación dun comité de igualdade
- Redución de desperdicios da Cidade Deportiva rebaixando o seu impacto ambiental

/* Bot imbee */